تورکیا ئاسمانی خۆی بەسەر فڕۆکە ڕووسییەکاندا داخست
بەپێی هەواڵی کوردپرێس، پاش زیاتر بوونی گرژییەکانی نێوان تورکیا و ڕووسیا لە ئیدلیب و بێ ئاکام بوونی دانوستانەکانی ئەنقەرە و مۆسکۆ میدیاکانی ڕووسیا ڕۆژی ڕابردوو ئیدیعایان کرد « تورکیا ئاسمانی خۆی بەسەر فڕۆکە ڕووسییەکاندا داخستووە».
بەگوێرەی ئاژانسی Nupelی تورکیا، پاش بڵاو بوونەوەی ئەم هەواڵە، کەریم خاس کارناسی کاروباری ڕووسیا لە وتەکانیدا لە زاری بەرپرسێکی سەربازیی ڕووسیاوە وتوویەتی: « سەرلە بەیانیی ئەمڕۆ ئەنقەر مۆڵەتی داخڵ بوونی بە فڕۆکەیێکی بارهەڵگری ڕووسی نەداوە بۆ ئاسمانی وڵاتەکەی و ئەمەش دەتوانێت گرژییەکان لە ئیدلیب زیاتر بکاتەوە».
پاش دوو ڕۆژ دانوستانی چڕ لەنێوان شاندی توکیا و ڕووسیا لە مۆسکۆ، هیچ سەرکەوتنێک لەمبارەوە بەدەست نەهاتووە.
شایانی باسە تا ئەم کاتە سەرچاوە فەرمییەکان داخستنی ئاسمانی تورکیایا بەسەر فڕۆکە ڕووسییەکاندا پشت ڕاست نەکردۆتەوە.
کۆدی هەواڵنێر: 60113
بۆچوونی بەکارهێنەران