کورسییەکەی ئەردۆغان کەوتۆتە لەرزین
بەپێی هەواڵی کوردپرێس، ئەکرەم ئیمام ئۆغڵۆ، شارەوانی گەورەشاری ئیستامبۆڵ سەربە پارتی کۆماریخوازی گەلی تورکیا (جەهەپە) ڕایگەیاند: کورسیی سەرۆکایەتی کۆماری ئەردۆغان کەوتۆتە لەرزە.
ماڵپەڕی هابرسۆن بڵاوی کردەوە کە لە دیداری ئەردۆغاندا لەگەڵ شارەوانی گەورەشارەکاندا ئەکرەم ئیمامئۆغڵۆ لەسەر کورسیێکی شکاو دانیشتبوو و ناچار بوو کورسییەکەی بگۆڕێت وتی: ئەوان دەڵێن: "کورسییەکەی من کەوتۆتە لەرزین بەڵام کورسییەکەی ئێوەیە کە کەوتۆتە لەرزە".
ئیمامئۆغڵۆ کە دوو جار بەسەر کاندیدی پارتی داد و گەشەدا سەرکەوتووە لە ڕێوڕەسمێکدا کە بە بۆنەی سەرکەوتنی خۆی و کۆتایی هاتنی 25 ساڵ کونترۆڵی ئەردۆغان و هاوبیرەکانی بەسەر شارەوانیی ئیستامبۆڵدا بەڕێوە دەچوو ڕەخنەی لە ئەردۆغان و شێوازی دەسەڵاتدارییەکەی گرت.
شارەوانی گەنجی ئیستابۆڵ زیادی کرد: تورکیا ناتوانێت بەدڵخوازیی چەند کەس بەڕێوە ببرێت. ئێمە ئەوەمان لە ئیستامبۆڵ سەلماند. ئێمە سەرکەوتنین و ئەم سونەتەمان گۆڕی. ئێمە دەتوانین لە تورکیا هەمان کار دووپات بکەینەوە.
کۆدی هەواڵنێر: 60113
بۆچوونی بەکارهێنەران