قوباد تەڵەبانی بە سەردانێک گەیشتە لوبنان
بەشی عێراق و هەرێمی کوردستان- جێگری سەرۆکوەزیرانی هەرێمی کوردستان لە بەیروتە و لە زانکۆی ئەمریکی ئەو شارە وتارێک پێشکەش دەکات و چەند کۆبوونەوەیێکیش ئەنجام دەدات.
کوردپرێس: سەمیر ھەورامی گوتەبێژی قوباد تاڵەبانی، جێگری سەرۆکوەزیرانی هەرێمی کوردستان رایگەیاند: "بە مەبەستی بەشداری کردن لە دیداری زانکۆی ئەمریکی لە بەیروت، ئەمڕۆ 9-11-2019، قوباد تاڵەبانی سەردانی لوبنانی کردووە".
سەمیر هەورامی باسی بەرنامەی کاریی قوباد تاڵەبانی لە لوبنان کرد و گوتی: "بڕیارە لەو دیدارەدا سەبارەت بە تەحەدداکانی بەردەم ھەرێمی کوردستان و عێراق لەڕووی ئەمنی و ئابورییەوە و گۆڕانکاری ناوچەکە بە گشتی گوتارێک پێشکەش بکات".
سەمیر هەورامی ئاشکرای دەکات ھەر لەمیانی سەردانەکەیدا بۆ لوبنان، قوباد تاڵەبانی چەند کۆبوونەوەیێک ئەنجام دەدات.
کۆدی هەواڵنێر: 60113
بۆچوونی بەکارهێنەران