ئەمەریکا بەفەرمی فرۆشتنی پاتریۆتی بە تورکیا هەڵوەشاندەوە
بەشی تورکیا- به‌رپرسێكی وه‌زاره‌تی ده‌ره‌وه‌ی ئه‌مه‌ریكا، رایگه‌یاند چیدیكه له‌گه‌ڵ توركیا باس له پێدانی سیسته‌می به‌رگریی مووشه‌كی پاتریۆت ناكه‌ین و ئه‌و پرسه له‌سه‌ر مێزی گفتوگۆی ئێمه هه‌ڵگیراوه.
بەپێی هەواڵی کوردپرێ، به‌رپرسه‌كه‌ی وه‌زاره‌تی ده‌ره‌وه‌ی ئه‌مه‌ریكا به بێ ئه‌وه‌ی ناوی بڵاو بكرێته‌وه، به ئاژانسی هه‌واڵده‌ری CNN ی راگه‌یاندووه: ئه‌مه‌ریكا چه‌ندین جار به توركیای راگه‌یاندووه، ئه‌گه‌ر ئه‌نقه‌ره سیستمی به‌رگریی مووشه‌كی ئێس400ی رووسی نه‌كڕێت، ئه‌مه‌ریكا سیستمی به‌رگری مووشه‌كی پاتریۆتی پێ ده‌دات، به‌ڵام توركیا هه‌ر سوور بوو له‌سه‌ر كڕینی سیستمه رووسییه‌كه.
ئەو بەرپرسەی وەزارەتی دەرەوەی ئەمەریکا روونیشی كرده‌وه، ئه‌مه‌ریكا هاوشێوه، فڕۆكه‌ی ئێف35 نافرۆشێته توركیا.
کۆدی هەواڵنێر: 60113
بۆچوونی بەکارهێنەران