تەقینەوە لە ریحانلی 7 برینداری لێکەوتەوە
بەشی تورکیا- بەهۆی تەقینەوەی هەماری ئەنجومەنێکیی یارمەتییە مرۆڤ دۆستانەکان لە شاری سەرسنووری ریحانلی-ی تورکیا 7 کەس بریندار بوون.
بەپێی هەواڵی کوردپرێس، ئەو زانیارییانەی لە پارێزگاریی هاتایەوە دەستکەوتوون باس لەوە دەکەن بەهۆی تەقینەوەی هەماری ئەنجومەنێکیی یارمەتییە مرۆڤ دۆستانەکان لە شاری سەرسنووری ریحانلی تورکیا 7 کەس بریندار بوون.
ڕەحمی دۆغان، پارێزگاری هاتای لە پەیجی تایبەتی خۆیدا لە تویتەر هەواڵی بریندار بوونی 7 کەسی پشتڕاست کردەوە و ڕایگەیاند: "هاوشارییانی بەڕێز تەقینەوەکە لە هەمارێکی ئەنجومەنێکی یارمەتییە مرۆڤ دۆستانەکاندا ڕوویداوە کە بەهۆیەوە ئاگرکەوتە هەمارەکە و ئاگرەکە کونترۆڵ کرا و حەوت برینداری ڕووداوەکەش بۆ نەخۆشخانە گواسترانەتەوە".
هێشتا دیار نییە کە تەقینەوەکە هێرشێکی تیرۆریستی بووە یان نا. بەڵام ڕۆژی هەینی تەقینەوەی بۆمبێک لەم شارەدا 3 کوژراوی لێکەوتەوە.
سەرچاوە: ڕۆژنامەی دیوار
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران