50 هێکتار لە لەوەڕگەکانی کرماشان سووتا
بەشی کرماشان- فەرماندەی پۆلیسی شاری کرماشان ڕایگەیاند 50 هێکتار (200 دۆنم) لە لەوەڕگەکانی دوو گوندی کرماشان سووتان.
بەپێی هەواڵی کوردپرێس سەرهەنگ حسێن بەراری فەرماندەی پۆلیسی شاری کرماشان ڕایگەیاند: "پێوەندییێکی تەلەفونی بە فەرماندەی پۆلیسی 110ی کرماشانەوە کرا و هەواڵی ئاگرکەوتنەوە لە لەوەڕگەکانی دوو گوندی کەمەرئاو و جامەشۆران بە پۆلیس ڕاگەیێندرا بۆیە دەستبەجێ فەرمانبەرانی بنکەی پۆلیسی قەرەسوو نێردرانە شوێنی ڕووداوەکە."
سەرهەنگ بەراری گوتیشی بە هیمەتی تیمەکانی بەرگریی شارستانی و پۆلیس و خەڵکی مەدەنی پاش سێ کاتژمێر ئاگرەکە کۆنتڕۆڵ کرا.
ناوبراو زیادیشی کرد: تا ئێستا هۆی ئاگرکەوتنەوەکە دەرنەکەوتووە بەڵام تیمەکانی پۆلیس بەردەوامن لە بەدواداچوون بۆ ئەو بابەتە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران