جێگری وەزیری ناوخۆی ئێران سەردانی مەرزی سەیرانبەندی کرد
بەشی کوردستان- جێگری وەزیری ناوخۆی ئێران بە یاوەریی سەردار ئەرجمەندی فەر جێگری قەرارگای حەمزەی سوپای پاسداران و بەڕێوەبەری پلاندانان و کاروباری ئابووری لە وەزارەتی ناوخۆ، بازاڕچەی سنووری سەیرانبەندی بانەیان بەسەرکردەوە.
کوردپرێس:
بابەک دین پەرەست جێگری وەزیری ناوخۆی ئێران بە سەردانێک گەیشتە مەرزی سەیرانبەند و چاودێریی پڕۆسەی ئاڵوگۆڕی بازرگانیی ئەو سنوورەی کرد و ڕایگەیاند بازاڕچەکە دەرفەتێکی باشە بۆ ئاڵوگۆڕی بازرگانیی نێوان ئێران و هەرێمی کوردستان و ئاسانکاری بۆ پێشخستنی ئابووری شاری بانە و پارێزگای کوردستان دەکات.
هەر لە سەردانەکەی جێگری وەزیری ناوخۆی ئێراندا دوایین زانیارییەکان لەبارەی تەواوکردنی پڕۆسەی ئاوەدانکاری و ئامادەکردنی ژێرخانی پێویستی مەرزەکە بۆ بە فەرمی کردن ئاراستەی دین پەرەست کرا.
شایانی باسە بازاڕچەی سەیرانبەند دەکەوێتە مەودای 29 کیلۆمەتریی شاری بانە و سنووری هاوبەشی لەگەڵ شاری پێنجوێنی پارێزگای سلێمانی لە هەرێمی کوردستان هەیە و لە ساڵی 1373ی هەتاوییەوە کراوەتەوە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران