ئەندامێکی پەرلەمانی ئەورووپا: کورد بەناوی مرۆڤایەتییەوە شەڕی داعشی کرد کەچی ئەورووپا وەفای بۆی نەبوو
کوردپرێس:
ژۆزف ویدنۆڵزر ئەندامی پەرلەمانی ئەورووپا کە هاوکات جێگری بلۆکی سۆسیاڵ دیموکراتەکانی پەرلەمانی ئەورووپایە بە یاوەریی شاندێکی پەرلەمانی ئەورووپا سەردانی باکوور و خۆرهەڵاتی سووریایان کردووە و لەگەڵ هاوسەرۆکانی پێوەندییەکانی دەرەوەی ئیدارەی باکوور و خۆرهەڵاتی سووریا لە شاری قامشلۆ کۆ بوونەتەوە.
ژۆزف ویدنۆڵزر پاش دیدارەکەی لەگەڵ هاوسەرۆکانی پێوەندییەکانی دەرەوەی ئیدارەی باکوور و خۆرهەڵاتی سووریا لە شاری قامشلۆ ڕایگەیاند: پەرلەمانی ئەورووپا دەتوانێت دەوری باشتری هەبێت و هەڵوێستی بەبڕشتتر بۆ پشتگیری کردنی باکوور و خۆرهەڵاتی سووریا وەربگرێت. ئێمە وەکوو پەرلەمانی ئەورووپا پێویستە هەڵوێستەکانمان بەرانبەر بە عەفرین باشتر بێت چوونکە لەبارەی مەسەلەی هێرشکردنەکەی تورکیا بۆ سەر عەفرین ئەوەمان نەکرد کەدەبوو بیکەین.
ناوبراو گوتیشی: "باکوور و خۆرهەڵاتی سووریا بەناوی هەموو مرۆڤایەتییەوە شەڕی داعشی کرد. ئەگەر کورد ئەو شەڕەی نەکردبا ئێستا وەزعی جیهان چۆن دەبوو؟ ئێمە بە ناوی مرۆڤایەتییەوە سپاسی هەموو لەخۆبوردەیی و خەباتتان دەکەین."
کۆدی هەواڵنێر: 60101
بۆچوونی بەکارهێنەران