سەرۆکی پارتی سەعادەتی تورکیا:
دووبارە کردنەوەی هەڵبژاردن لە ئەستەمبۆڵ وەکوو بۆمب ڕووخێنەر دەبێت
بەشی تورکیا- تەمڵ کەرەم ئۆغڵۆ سەرۆکی پارتی سەعادەتی تورکیا لە وتەکانیدا ڕەخنەی توند لە هێنانە ئاراوەی پرسی دووبارە کردنەوەی هەڵبژاردنی شارەوانییەکان لە ئەستەمبۆڵ دەگرێت و دەڵێت: دووبارە کردنەوەی هەڵبژاردن لە ئەستەمبۆڵ وەکوو بۆمب ڕووخێنەر دەبێت.
بەپێی هەواڵی کوردپرێس، تەمڵ کەرەم ئۆغڵۆ سەرۆکی پارتی سەعادەتی تورکیا ڕایگەیاند: ڕەجەب تەییب ئەردۆغان سەرۆک کۆماری تورکیا لەگەڵ خۆی شەڕ دەکات. لە لایێکەوە هەوڵی بەرەوپێشبردنی ڕەژیمی تاکەکەسی دەکات و لا لایێکی دیکەوە هەوڵ ئەدات وێنەی کەسێکی دادپەروەر لەخۆی نیشان بدات.
ناوبراو درێژی دا: ئەم دووپرسە دژی یەکترن، بەڵام ئەردۆغان هەوڵ ئەدات هاوسەنگی لەنێوانیاندا پێکبێنێت. ئەو هەوڵ ئەدات هاوسەنگیی پێکبێنێت چوون ناچار بەم کارەیە.
تەمڵ کەرەم ئۆغڵۆ سەرۆکی پارتی سەعادەتی تورکیا وتیشی: بەڕای من 99.9 هەڵبژاردنەکان دووبارە ناکرێنەوە و دەزگای داد ئەم حوکمە دەرناکات. بەڵام ئەگەر بڕیاری دووپات کردنەوەی هەڵبژاردن لە ئەستەمبۆڵ بدرێت ئەم بڕیارە وەکوو بۆمب ڕووخێنەر دەبێت.
سەرچاوە: ڕۆژنامەی دیوار
کۆدی هەواڵنێر: 60113
بۆچوونی بەکارهێنەران