وەزیری دەرەوەی تورکیا لەگەڵ عەزیز سنجر بیرمەندی کورد و براوەی خەڵاتی نۆبڵ کۆ بوویەوە
بەشی تورکیا- مەولوود چاوشئۆغڵۆ وەزیری دەرەوەی تورکیا کە سەردانی ئەمریکای کردووە لە ویلایەتی کارۆلینای باکوور لەگەڵ عەزیز سنجر بیرمەندی کورد و براوەی خەڵاتی نۆبڵ کە خەڵکی ماردینە دیداری کرد.
بەپێی هەواڵی کوردپرێس، چاوشئۆغڵۆ لە دیدارەکەدا لەبارەی چالاکیە زانستی و ئاکادێمییەکانی عەزیز سنجر لەگەڵ ناوبراو گفتوگۆی کرد و هەروەها سەردانی تاقیگەی زانستگای کارۆلینای باکووری کرد کە سنجر لەو تاقیگەیەدا خەریکی کاری زانستیە.
وەزیری دەرەوەی تورکیا لە وتەکانیدا کە لە ئاپۆڕەی خوێندکارانی تورک لە ئەمریکا پێشکەشی دەکرد وتی: ئامانجی من لە سەردانی کردنی ئەم شوێنە دیدار لەگەڵ عەزیز سنجرە کە مایەی شانازیی میللەت و جیهانی تورکە. عەزیر سنجر بۆ میللەتی تورک و دیکەی میللەتەکان بووەتە نموونە. خوێندکارەکان دڵنیا بن کە دەوڵەتی تورکیا هەمیشە پشتیوانی ئێوەیە.
سەرچاوە: NTV
کۆدی هەواڵنێر: 60113
بۆچوونی بەکارهێنەران