ئەردۆغان: مانگی حوزەیرانی ئەمساڵیش ئاوی دیجلە دەگرینەوە
بەشی تورکیا- ڕەجەب تەیب ئەردۆغان، سەرۆك كۆماری توركیا ڕایگەیاند، لە مانگی حوزەیرانی ئەمساڵدا جارێكی دیكە ئاوی ڕووباری دیجلە كەم دەكەنەوە بۆ پڕكردنی بەنداوی ئەلیسو.
کوردپرێس:
لە وتارێكدا لە شاری ماردین ئەردۆغان باسی لەوە كرد، داهاتی ساڵانەی بەنداوی ئەلیسۆ نزیكەی ملیارێك و 500 ملیۆن دۆلارە و ئەمساڵیش لە ناوەڕاستی ساڵدا جارێكی تر ئاوەكە دەگرنەوە.
بەنداوی ئەلیسو لە سەر ڕووباری دیجلە دروست كراوە و دەتوانێت 21 ملیار مەتر سێجا ئاو كۆ بكاتەوە.
ساڵی ڕابردوو بۆ یەكەم جار توركیا بەنداوەكەی پڕ كرد و بەوەش ئاوی ڕووباری دیجلە زۆر كەم بووەوە و عێراقیش ناڕەزایەتیی دەربڕی، كە ئاوی پێویست ناگاتە ناوچەكانی باشووری عێراق.
بۆچوونی بەکارهێنەران