ئەندامێکی سەرکردایەتیی یەکێتی: یەکێتی بە مەرج بەشداریی حکوومەتی نوێی هەرێم دەکات
بەشی عێراق و هەرێمی کوردستان- ئەندامێکی سەرکردایەتیی یەکێتی لە لێدوانێکدا وتوویەتی یەکێتی بە بێ پەسەندکردنی کاری هاوبەشی یەکێتی و پارتی بۆ ئاسایی کردنەوە دۆخی کەرکووک بەشداریی حکوومەتی هەرێمی کوردستان ناکات.
کوردپرێس:
وەستا ڕەسووڵ ئەندامی سەرکردایەتیی یەکێتیی نیشتمانیی کوردستان لەو بارەیەوە وتوویەتی یەکێتی ناوچە جێناکۆکەکان زۆر بە هەند وەردەگرێت و پارێزگاری کەرکووکیش دەبێت کوردێکی ئەندامی یەکێتی بێت.
ناوبراو زیادی کرد: یەکێتیی نیشتمانیی کوردستان بە بێ ئەنجامدانی کاری هاوبەش لەگەڵ پارتی دیموکراتی کوردستان بۆ ئاسایی کردنەوەی دۆخی کەرکووک، بەشداریی حکوومەتی نوێی هەرێم ناکات.
وەستا ڕەسووڵ جەختیشی کردەوە یەکێتی و پارتی نزیک بوونەتەوە لە ڕێککەوتن لە سەر هەڵبژاردنی پارێزگارێکی کورد بۆ کەرکووک.
بۆچوونی بەکارهێنەران