سەرکردەیێکی یەکێتیی نیشتمانی:
کۆبوونەوەکانی پارتی و یەکێتی بەمەبەستی چارەسەر کردنی کێشەکانی نێوانیان ئەنجام دەدرێت
بەشی عێراق و هەرێمی کوردستان- سەرکردەیێکی یەکێتیی نیشتمانیی کوردستان ڕایگەیاند: لە ئاستی باڵادا کۆبوونەوەی هاوبەش لە نێوان یەکێتی و پارتی بەڕێوەدەچێت ئەوەش بەمەبەستی چارەسەر کردنی ناکۆکییەکانی نێوانیان لەسەر پێکهێنانی حکوومەتی نوێی هەرێمی کوردستان.
بەپێی هەواڵی کوردپرێس، غیاس سوورچی لە گفتوگۆ لەگەڵ هەواڵدەریی مەعلوومەدا ڕایگەیاند: دو حیزبی دەسەڵاتداری هەرێمی کوردستان ڕۆژی سێشەممە لە ئاستی باڵادا بۆ گفتوگۆ کردن لەبارەی پێکهێنانی حکوومەتی نوێی هەرێمی کوردستان لە نووسینگەی مەکتەبی سیاسیی یەکێتی-دا کۆ دەبنەوە و کۆبوونەوەکەش لەسەر داوای پارتی دیموکراتی کوردستان بەڕێوەدەچێت.
سوورچی زیادی کرد لە کۆبوونەوەکەدا لەبارەی کاندیدی وەزارەتی داد لە کابینەی عەبدولمەهدی و پۆستی پارێزگاری کەرکووک گفتوگۆ دەکرێت.
کۆدی هەواڵنێر: 60113
بۆچوونی بەکارهێنەران