ئەندامێکی سەرکردایەتیی یەکێتی: دوو لیژنە بۆ تاوتوێ کردنی پڕۆسەی پێکهێنانی حکوومەتی نوێی هەرێم پێکهێنراون
بەشی عێراق و هەرێمی کوردستان- ئەندامێکی سەرکردایەتیی یەکێتیی نیشتمانیی کوردستان وتوویەتی دوو لیژنە بۆ تاوتوێ کردنی پڕۆسەی پێکهێنانی حکوومەتی نوێی هەرێم پێکهێنراون.
کوردپرێس:
غیاس سوورچی ئەندامی سەرکردایەتیی یەکێتیی نیشتمانیی کوردستان لەو بارەیەوە بە ئاژانسی هەواڵی مەعلوومەی عێراقی وتووە دانیشتنەکەی ئەم دواییەی یەکێتی و پارتی لە سلێمانی ڕێککەوتنێکی لێکەوتەوە لە سەر پێکهێنانی دوو لیژنە بۆ تاوتوێ کردنی پڕۆسەی پێکهێنانی حکوومەتی نوێی هەرێمی کوردستان و هەروەهاش لیژنەکان ململانێ سیاسییەکان و یەکەمایەتییەکانی بەردەم پڕۆسەی سیاسیی هەرێم تاوتوێ دەکەن.
سوورچی زیادی کرد: لە دانیشتنەکەی یەکێتی و پارتیدا مەسەلەی یاسای تێپەڕێندراوی بودجەی 2019ی عێراقیش باس و گفتوگۆی لەسەر کرا و خوێندنەوەی ئیجابی بۆ ئەو پڕۆژەیاسایەش کرا.
کۆدی هەواڵنێر: 60101
بۆچوونی بەکارهێنەران