وەزیری دارایی عێراق:
روانگه‌ی حكوومه‌تی ئێستا جیاوازه له‌وه‌ی له پرۆژه‌ی یاسای بوودجه‌دا هاتووه
بەشی عێراق و هەرێمی کوردستان- وه‌زیری دارایی عێراق، ئه‌مڕۆ دوشه‌ممه ورده‌كارییه‌كانی پڕۆژه یاسای بودجه‌ی 2019ی عێراقی له‌به‌رده‌م په‌رله‌مان خسته‌ڕوو و رایگه‌یاند كه ئه‌و پرۆژه یاسای بوودجه له‌لایه‌ن حكوومه‌تی پێشووی عێراقه‌وه ئاماده كراوه و روانگه‌ی حكوومه‌تی ئێستا جیاوازه له‌وه‌ی له‌و پرۆژه یاسایه‌دا هاتووه.
بەپێی هەواڵی کوردپرێس، فواد حسێن، له دانیشتنی ئه‌مڕۆی په‌رله‌مانی عێراقدا ئاماده‌بوو و له وته‌یێ‌كدا رایگه‌یاند: حكوومه‌تی ئێستا رووبه‌ڕووی كێشه بۆته‌وه له مامه‌ڵه‌كردن له‌گه‌ڵ ئه‌و بودجه‌یه ئه‌وه‌ش به‌هۆی كه‌میی كات و كۆتایی هاتنی ساڵی داراییه‌وه.
ئاماژه‌ی به‌وه‌شداوه حكوومه‌تی ئێستای عێراق زۆر بیرۆكه‌ی هه‌یه كه له‌لایه‌ن وه‌زاره‌ته‌كانی عێراق و نوێنه‌رانی هه‌رێمی كوردستانه‌وه له‌سه‌ر پرۆژه یاسای بوودجه پێشكه‌ش كراون.
جه‌ختیشی كرده‌وه كه ئێمه ئاماده‌ین به‌شێوه‌یێكی شه‌فاف كار له‌گه‌ڵ په‌رله‌ماندا بكه‌ین و هه‌روه‌ک رێكخه‌رێكیشمان له‌ناو په‌رله‌ماندا ده‌بێت.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران