سکرتێری ئەنجومەنی وەزیرانی هەرێم داوای رێگری کردن لە پرۆژە یاسای بوودجەی عێراق دەکات
بەپێی هەواڵی کوردپرێس، ئامانج رەحیم، سکرتێری ئەنجومەنی وەزیران لەبارەی ناردنی پڕۆژە یاسای بوودجەی گشتیی عێراقی فیدراڵ لە ئەنجوومەنی وەزیرانی عێراقەوە بۆ پەرلەمانی عێراق رایگەیاند: "بەرپرسیارێتی رێگریی لە تێپەڕاندنی ماددەکانی ئەو پڕۆژە بوودجەیەی 2019 کە لەگەڵ بەرژەوەندییە دەستوورییەکانی ھەرێمی کوردستانن یەک ناگرنەوە.
ناوبراو دەڵێت: بەرپرسیارێتی رێگریی لە تێپەڕاندنی ماددەکانی ئەو پڕۆژە بوودجەیەی 2019 کە لەگەڵ بەرژەوەندییە دەستوورییەکانی ھەرێمی کوردستانن یەکناگرنەوە کەوتە ئەستۆی نوێنەرانمان لە ئەنجومەنی نوێنەرانی عێراق، و ئەمەش بەرپرسیارێتیێکی گران و زەحمەتە لە چاو قۆناغی ڕەشنووسی بوودجەکە لە وەزارەتی دارایی، ئەگەر بابەتەکە بکەوێتە بەر نەشتەری زۆرینە و کەمینە لە ناو ئەنجومەنی نوێنەران، سەرەڕای ئەوەی بە پێی پەیڕەوی ناوخۆ ئەنجومەنی نوێنەران مافی ھەموار کردنی ژمارەی خشتە تەرخان کراوەکانی خەرجییەکانی بوودجەی نیە و بژاردەکەیان تەنھا ناردنەوەی پڕۆژە قانونەکەیە بۆ ئەنجومەنی وەزیران.
سەرچاوە: K24
کۆدی هەواڵنێر: 60113
بۆچوونی بەکارهێنەران