چوونی سه‌ربازانی سوپای تورکیا بۆ ناو گوندێکی هه‌رێم

کوردپرێس:

ئاژانسی فورات نیووزی نزیک له‌ په‌که‌که‌ بڵاوی کردوووه‌ته‌وه که‌‌ "ئێواره‌ی ڕۆژی پێنجشه‌ممه‌ (٢٧ی ئه‌یلوولی ٢٠١٨/ ٥ی ڕه‌زبه‌ر) ھێزێکی سوپای تورکیا به ‌ده‌یان سه‌رباز و ژماره‌یێک ئۆتۆمبێلی سه‌ربازی و دوو ده‌قاق گه‌یشتوونه‌ته‌ نێو گوندی شاپان له‌ سنووری ناوچه‌ی برادۆستی سه‌ر به‌ قه‌زای سۆران و له‌ نێو گونده‌که‌ و ده‌وروبه‌ریدا بڵاو بوونه‌ته‌وه‌".

له‌ گرته‌ ڤیدیۆیییێکیشدا که‌ بڵاو کراوه‌ته‌وه‌ "ده‌رده‌که‌وێت ئه‌و سوپایه‌ ژماره‌یێکی زۆر چه‌ک و ئۆتۆمبیلی سه‌ربازییان پێیه‌ و هه‌روه‌ها خه‌ڵکیش وێنه‌یان له‌گه‌ڵ ده‌گرێت".

پێشتریش له‌ ٣١ی ئایاری ٢٠١٨دا ھێزێکی سوپای تورکیا‌ به‌ چه‌ندین ئۆتۆمبێلی سه‌ربازی و چه‌کی جۆراوجۆر چوونه‌ ناو گوندی به‌رمیزه‌ له‌ سنووری ناوچه‌ی سیده‌كانی قه‌زای سۆران.

سه‌رچاوه‌: شارپرێس

کۆدی هه‌واڵنێر: 60103