کۆمسیۆنی هەڵبژادرنی هەرێم:
ژمارەیێک ڕێکخراوی نێودەوڵەتی چاودێریی هەڵبژاردنەکانی هەرێم دەکەن
بەشی عێراق و هەرێمی کوردستان- بەڕێوەبەری راگەیاندن و پەیوەندییەکانی کۆمسیۆن رایگەیاند تا ئێستا ١٠ رێکخراوی نێودەوڵەتی و ١٠ دەزگای راگەیاندنی نێودەوڵەتی بۆ چاودێری کردنی هەڵبژاردنەکانی هەرێم ناویان تۆمار کردووە.
بەپێی هەواڵی کوردپرێس، شۆڕش حەسەن بەڕێوەبەری راگەیاندن و پەیوەندییەکانی کۆمسیۆنی هەڵبژادرنی هەرێمی کوردستان رایگەیاند: ئەو رێکخراو و ڕاگەیاندنە نێودەوڵەتییانە ناوی خۆیان تۆمار کردووە لە کۆمسیۆن، بەڵام کۆمسیۆن وەڵامی نەداونەتەوە و چاوڕەێ دەکات تا ئەو شوێنانەی دیکەش کە ماون ناوی خۆیان تۆمار بکەن بۆ ئەوەی بە یەکجار وەڵامیان بدرێتەوە.
پێشتر لایەنە ناڕازیەکانی هەرێم داوایان لە نەتەوە یەکگرتووەکان و بەرپرسانی وڵاتانی ئەورووپا و ئەمەریکا کرد بە وردی چاودێریی هەڵبژاردنەکان بکەن بۆ ئەوەی هەڵبژاردنێکی دوور لە ساختەکاری بەڕێوە بچێت.
وا بڕیارە رۆژی ٣٠ی ئەیلول هەڵبژاردنی پەرلەمانی کوردستان ئەنجام بدرێت و کۆمسیۆنیش رایگەیاندووە ئامادەکارییەکانیان بۆ ئەو پرۆسەیە تەواوکردووە.
سەرچاوە: خەندان
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران