فازڵ بەرواری كۆچی دوایی كرد
بەشی عێراق و هەرێمی کوردستان- وەزارەتی ناوخۆیی عێراق رایگەیاند فازڵ بەرواری، فەرماندەی فیرقەی زێڕینی عێراق كۆچی دوایی كرد.
بەپێی هەواڵی کوردپرێس، وەزارەتی ناوخۆی عێراق رایگەیاندووە فازڵ جەمیل بەرواری، فەرماندەی فیرقەی زێرین سەر بە دەزگای نەهێشتنی تیرۆر ئێوارەی ڕۆژی پێنجشەممە بەهۆی جەڵتەی دڵەوە گیانی لەدەست داوە.
ناوبراو، ئەفسەر بووە لە سوپای عێراق بە پلەی لیوا، و لە دایكبووی ساڵی 1966 پارێزگای دهۆكە، بەشداری لە ئۆپەراسیونی رزگاركردنی چەندین ناوچەی كردووە لە دەستی داعش.
بەرواری، فەرماندەی هێزی پێشمەرگە بووە لە نێوان ساڵانی 1980-1991 و دوای ڕووخانی رژێمی بەعس لە عێراقدا كاری بۆ دامەزراندنی دەزگای ئۆپەراسیۆنی تایبەتی عێراق كردووە.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران