هاوپەیمانی وەک پرۆژەیێکی سیاسی و مەدەنی بەردەوام دەبێت/ وازنامەی بەرهەم ساڵح پەسەند کرا
بەشی عێراق و هەرێمی کوردستان- هاوپەیمانی بۆ دیموکراسی و دادپەروەری ڕایگەیاند هاوپەیمانی وەک پرۆژەیێکی سیاسی و مەدەنی بەردەوام دەبێت.
بەپێی هەواڵی کوردپرێس، هاوپەیمانی بۆ دیموکراسی و دادپەروەری لە بەیاننامەیێکدا ڕایگەیاند: بەرهەم ساڵح و کۆمەڵێک لە هەڤاڵانی وازنامەى خۆیان پێشکەش بە دەستەى دامەزرێنەر و ئەنجومەنی بەرێوەبردنی هاوپەیمانی کردووە و پاش تاوتوێ وازنامەکەیان پەسەند کراوە.
لە بەیاننامەکەدا هاتووە: "دەخوازین پێگەی سیاسی و کەسایەتی بەرهەم ساڵح بخرێتە خزمەت بەرژەوەندییەکانی خەڵکی کوردستان لەم قۆناغە هەستیارەدا".
ئەوەشی تێدا هاتووە کە دووپاتی دەکەینەوە هاوپەیمانی وەک پرۆژەیێکی سیاسی و مەدەنی بۆ خزمەتى خەڵک بەردەوام دەبێت.
لە کۆتایی بەیاننامەکەدا ڕایانگەیاندووە: سەبارەت بە بڕیاردان لە شێوازی و چۆنیەتی بەرێوەبردن و کاری ئایندەی هاوپەیمانی بەمزوانە کۆبوونەوەى فراوانی هاوپەیمانی ئەنجام دەدرێت.
سەرچاوە: میدیاکانی هەرێمی کوردستان
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران