ئەندامێکی سایروون: ئەگەر هەیە دەموچاوی نوێ بۆ پۆستی سەرۆکی پەڕلەمان کاندید بکرێن
بەشی عێراق و هەرێمی کوردستان- ئەندامێکی هاوپەیمانیی سایروون وتوویەتی ڕەنگە چەند کەسێکی نوێ کە لە دەوڵەتەکانی ڕابردوودا پۆستیان نەبووبێت بۆ پۆستی سەرۆکی پەڕلەمانی عێراق کاندید بکرێن.
کوردپرێس:
ئەیمەن شەمری ئەندامێکی هاوپەیمانیی سایروون لە پرێس کونفڕانسێکدا وتوویەتی لە دانیشتنەکەی ڕۆژی شەمەی داهاتووی ئەنجومەنی نوێنەرانی عێراقدا کۆمەڵێک ناوی نوێ و کەسایەتیی نوێ بۆ وەرگرتنی پۆستی سەرکۆ پەڕلەمان کاندید دەکرێن کە تا ئێستا پۆستی حکوومییان لە دەوڵەتانی ڕابردوودا نەبووبێت.
شەمری ئەوەشی زیاد کرد کە لایەنە شیعەکانیش لە سەر ڕێنموونیی مەرجەعییەتی شیعە خۆ دەبوێرن لە پەسەند کردنی ناوی ئەو شەخسیەتە سیاسییانەی لە ڕابردوودا بۆ پۆستی سەرۆکی پەڕلەمان ناویان ئاشکرا کرابوو.
بۆچوونی بەکارهێنەران