نوێنەری ئایەتۆڵڵا سیستانی:
چاكسازی نەكرێت مەرجەعیەت دێتەسەر هێڵ
بەشی عێراق و هەرێمی کوردستان- نوێنەری ئایەتۆڵڵا عەلی سیستانی گەورە مەرجەعی شیعەكانی عێراق داوا دەكات حكوومەت پەلە بكات لە جێبەجێ كردنی داواكاریی خۆپیشاندەران و دوورخستنەوەی گەندەڵكاران و ئەنجامدانی چاكسازیی ڕاستەقینە.
بەپێی هەواڵی کوردپرێس، عەبدولمەهدی كەربەلایی، نوێنەری ئایەتوڵڵا سیستانی رایگەیاند: گەندەڵی بۆتە نەهامەتی بۆ عێراقیەكان و ئەگەر حكوومەت چاكسازی نەكات دووچاری گرفتی گەورەتر دەبێتەوە.
هاوكات راشیگەیاندووە، كە پێویستە حكوومەت گەندەڵكاران دووربخاتەوە و چاكسازی راستەقینە ئەنجام بدات.
نوێنەرەكەی سیستانی هۆشداریشی داوە لەوەی كە لە ئەگەری ئەنجام نەدانی چاكسازی، مەرجەعیەت دێتە سەر هێڵ و هەڵوێستی دەبێت.
سەبارەت بە خۆپیشاندانەكانیش مەرجەعیەتی شیعەكان داوای كردووە حكوومەت پەلە بكات لە جێبەجێ كردنی داواكاریەكانیان، هەروەک داواشی كردووە بە زووترین كات حكوومەتی نوێ پێک بهێنرێت و كەسێكی بەهێز و خاوەن بڕیار سەرۆكایەتیەكەی بگرێتە دەست و حكوومەتەكەشی خاوەنی كارنامەیێكی باشی بێت بۆ حكومڕانی.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران