بە تەقەی سوپای تورکیا ئاگر لە چەند ناوچەیێکی هەرێمی کوردستان کەوتووەتەوە
بەشی عێراق و هەرێمی کوردستان- بە تەقەی سوپای تورکیا ئاگر لە چیای کەوێرتەی ناوچەی برادۆست کەوتووەتەوە و تا ئێستا ڕووبەرێکى زۆری پووشوپاوانی شاخەکە سووتاوە.
کوردپرێس:
بەپێی هەواڵێکی تەلەڤزیۆنی ئێن ئاڕ تی، هێزێکى سوپای تورکیا کە لە ناوچەکانى برادۆست و شێروان سەنگەریان لێداوە بە چەکی دۆشکە تەقەیان لە شاخەکە کردووە و بەو هۆیەوە ئاگر کەوتووەتەوە تا ئێستاش ئاگرەکە بەردەوامە.
هەواڵەکە ئاماژەی بەوەش کرد، بە پێی زانیارییەکان سوپای تورکیا لەو ناوچەیە زیاتر لە ١٠ کیلۆمەتر هاتوونەتە خاکى هەرێم و سەنگەر و بنکەیان لە ناوچەکە دروست کردووە.
ئەمەش لە کاتێکدایە سوپای تورکیا بە بیانووی لێدانى پەکەکە لە چەندین شوێنەوە سنوورەکانى هەرێمى بەزاندووە و ڕۆژانەش فڕۆکەکانى بۆردومانى ناوچەکانى قەندیل دەکەن.
بۆچوونی بەکارهێنەران