ئیلهام ئه‌حمه‌د: بۆ هه‌ر دوو ئه‌گه‌ری شه‌ڕ و دانووستان ئاماده‌ین
به‌پێی هه‌واڵی کوردپرێس، ئیلهام ئه‌حمه‌د سه‌رۆکی ده‌سته‌ی جێبه‌جێکاریی ئه‌نجومه‌نی سووریای دیموکرات به ڕۆژنامه‌ی حه‌یاتی له‌نده‌نی ڕاگه‌یاندوووه: سووربوونی ده‌وڵه‌تی سووریا له‌سه‌ر چاره‌سه‌ری سه‌ربازی و به‌رده‌وامبوون له ئۆپه‌راسیۆنی سه‌ربازی هه‌ڕه‌شه له یه‌کگرتووییی خاکی سووریا ده‌کات و به‌ره‌و دابه‌شبوونی ده‌بات.
ناوبراو ئاماژه‌ی به‌وه‌ش کردوووه: "ئه‌نجومه‌نی سووریای دیموکرات سه‌قامگیریی ڕۆژهه‌ڵاتی فورات ده‌پارێزیت و هه‌وڵی جدی ده‌دات بۆ چه‌سپاندنی خۆبه‌ڕێوه‌به‌ری له ناو ده‌ستووری سووریا له‌سه‌ر بنه‌مای دیوکراسی و سیسته‌می لامه‌رکه‌زی بۆ گشت سووریا".
سه‌رۆکی ده‌سته‌ی جێبه‌جێکاریی ئه‌نجومه‌نی سووریای دیموکرات وتیشی: "ئه‌گه‌ر سوپای سووریا هێرش بکاته سه‌ر ڕۆژهه‌ڵاتی فۆرات پشت به هێزی خۆیان ده‌به‌ستن بۆ به‌رگری کردن له‌و ناوچه‌یه".
سه‌رچاوه: خه‌ندان
کۆدی هه‌واڵنێر: 60103
بۆچوونی بەکارهێنەران