هاوکاریی نێوان وەزارەتی خوێندنی باڵای هەرێم و وەزارەتی زانستی ئێران تاوتوێ کرا
کوردپرێس: ئەمڕۆ چوارشەممە 20ی پووشپەڕ، یووسف گۆران، وەزیری خوێندنی باڵا و توێژینەوەی زانستی، لەگەڵ مورتەزا عەبادى، سەرکونسوڵى کۆمارى ئیسلامیى ئێران و وەفدێکى هاوڕێى لە هەولێر کۆبوویەوە، لە دیدارێکدا وەزیرى خوێندنى باڵا و توێژینەوەى زانستى، خۆشحاڵی خۆی لە لەماوەى کارکردنیان لە ڕێگەى جێبەجێ کردنى ڕێکەوتننامەى نێوان وەزارەتى زانست و تەکنەلۆژیاى کۆمارى ئیسلامیى ئێران و وەزارەتى خوێندنى باڵا و توێژینەوەى زانستى توانیوانە پەرە بە پەیوەندییەکانى نێوان هەرێمى کوردستان و ئێران بدەن.
سەرکونسوڵى کۆمارى ئیسلامیى ئێران لە هەولێر، خۆشحاڵى خۆى بەو سەردان و پیشوازییە دەربڕى و رای گەیاند، کە ئەمڕۆ هاتوون بۆ ئەوەى دووپاتى درێژەدان پەیوەندییەکانیان بکەینەوە.
هەر لە دیدارەکەدا، گفتوگۆ لەبارەى چۆنیەتى بایەخدان و پەرەپێدان بەپەیوەندییە زانستى و ئەکادیمییەکان بەتایبەت بایەخدان بە زمانى فارسى لە کوردستان کرایەوە، بۆ ئەوەش هەردوولا جەختیان لەسەر بابەتەکە کردەوە.
مورتەزا عەبادى زیادی کرد تێڕوانینی وەزیری خوێندنی باڵای هەرێمی کوردستان بۆ زانستگاکانی ئێران ئەرێنییە و لە ڕووی پسپۆڕیە و هەروها پێداویستییەکانی کوردستانی عێراقی لەبەرچاو گرتووە.
کۆدی هەواڵنێر: 60113
بۆچوونی بەکارهێنەران