ڕه‌خنه له لێدوانی ئه‌م دواییه‌ی ئه‌یاد عه‌لاوی ده‌گیردرێت
به‌پێی هه‌واڵی کوردپرێس، ڕێبوار تاها سه‌رۆکی لیستی یه‌کێتی له پارێزگای که‌رکووک له به‌یاننامه‌یێکدا ژماردنه‌وه‌ی ده‌ستیی ده‌نگه‌کان له‌لایه‌ن کۆمیسیۆنی باڵای هه‌ڵبژاردن له پارێزگای که‌رکووک ستایش ده‌کات و ده‌ڵێت: لێدوانی ئه‌مدواییه‌ی ئه‌یاد عه‌لاوی جێگری سه‌رۆک کۆماری عێراق سه‌باره‌ت به هه‌بوونی ته‌زویر و ساخته‌کاریی 50 له‌سه‌دی ده‌نگه‌کانی هه‌ڵبژاردنی پارێزگای که‌رکووک به کارێکی به‌په‌له و نادروست ده‌زانم.
ناوبراو وتیشی: جێگری سه‌رۆک كۆمار پێش رووداوه‌كان كه‌وت و باس له روودانی ساخته‌كاریی ده‌كات به ڕێژه‌ی له 50% هه‌رچه‌نده تا ئێستا پرۆسه‌ی جیاكردنه‌وه‌ی ده‌نگه‌كان كۆتایی نه‌هاتوووه و كاره‌كان به شێوه‌یێكی ڕێکوپێک به‌ڕێوه ده‌چن له‌به‌ر ئه‌وه وا باشتر بوو ئه‌یاد عه‌لاوی به‌م شێوه‌یه پێش رووداوه‌كان نه‌كه‌وێت و گورز له پرۆسه‌ی هه‌ڵبژاردن به گشتی و له که‌رکووک به تایبه‌ت نه‌وه‌شنێت و له پشته‌وه خه‌نجه‌ر له پێكه‌وه‌ژیانی ئاشتییانه و كۆمه‌ڵایه‌تی له پارێزگاكه نه‌دات.
ڕێبوار تاها جه‌خت له‌سه‌ر زه‌رووره‌تی خۆبواردن له ڕاگه‌یاندنی لێدوانی نالۆجیکی به‌په‌له و گوماناوی و دروست کردنی پشێوی و ئاڵوزی له کۆمه‌ڵگا ده‌کاته‌وه.
سه‌رچاوه: هه‌واڵده‌ریی گشتیی عێراق (این)
کۆدی هه‌واڵنێر: 60103
بۆچوونی بەکارهێنەران