شاندێکی دەوڵەتی یاسا گەیشتە هەولێر

کوردپرێس:

پێش گەیشتنی شاندەکەی دەوڵەتی یاساش، شاندێکی هاوپەیمانیی فەتح بە سەرۆکایەتیی ئەحمەد ئەسەدی وتەبێژی هاوپەیمانێتییەکە گەیشتە هەولێر.

بڕیارە هەردوو شاندەکەی دەوڵەتی یاسا و هاوپەیمانیی فەتح دوو ڕۆژ بمێننەوە و گفتوگۆی پێکهێنانی حکوومەت لەگەڵ حزبە براوەکانی هەڵبژاردنی پەرلەمانی عێراق ئەنجام بدەن.

ئەمە لە کاتێکدایە لە دوای ڕاگەیاندنی ئەنجامی بەرایی هەڵبژاردنی پەرلەمانی عێراق، هەردوو شاندی پارتی و یەکێتی لە ڕیزی پێشەوەی ئەو پارت و لایەنانەدا بوون کە بۆ گفتوگۆی پێکهێنانی حکوومەت، سەردانی موقتەدا سەدر براوەی یەکەمی هەڵبژاردنەکە و لایەنە عێراقییەکانی تریان کرد.

هەروەها گفتوگۆکان لە کاتێکدان، هێشتا ئەنجامی کۆتاییی هەڵبژاردنەکە یەکلا نەکراوەتەوە و پڕۆسەی ژماردنەوەی دەستیی دەنگی ئەو سندوقانەی سکاڵایان لەسەرە ماوەی چوار رۆژە دەستی پێکردووە.

سەرچاوە: ئێن ئاڕ تی