خبر 2018-06-25 15:25 کاتی خوێندنەوە: 2 خولەک ★ — (0)
قەبارەی دەق:
تێلێگرام واتساپ

وه‌زاره‌تی پێشمه‌رگه‌ گۆڕانکاریی له‌ چه‌ند پۆستێکیدا ده‌کات

به‌شی عێراق و هه‌رێمی کوردستان- له‌ وه‌زاره‌تی پێشمه‌رگه‌ی حکوومه‌تی هه‌رێمی کوردستاندا چه‌ندین گۆڕانکاری ئه‌نجام دران و بڕیاری وزاریش بۆ گۆڕانکارییه‌کان ده‌رچوون.

به‌پێی هه‌واڵی کوردپرێس، لیوا قاره‌مان جێگری سوپاسالار بۆ ئۆپه‌راسیۆنه‌کان له‌ وه‌زاره‌تی پێشمه‌رگه‌ به‌ تۆڕی میدیاییی رووداوی ڕاگه‌یاند: "له‌م هه‌فته‌وه‌ ده‌ست به‌ گۆڕانکارییه‌کان کراون و حکوومه‌تی هه‌رێمی کوردستانیش ڕه‌زامه‌ندی له‌سه‌ر ده‌ربڕیون."

ناوبراو ده‌شڵێت: "گۆڕانکارییه‌کان سێ جۆرن، به‌شێک له‌ یه‌که‌کانی 70 و 80ه‌وه‌ بۆ نێو وه‌زاره‌ت، به‌شێک به‌ پێچه‌وانه‌وه‌ و به‌شێکی دیکه‌ له ‌نێو خودی وه‌زاره‌تدا جێگۆڕکێیان پێکراوه‌".

جێگری سوپاسالار بۆ ئۆپه‌راسیۆنه‌کان له‌ وه‌زاره‌تی پێشمه‌رگه‌ ده‌ڵێت: "گۆڕانکارییه‌کان له‌ ئاستی ئه‌مینداری گشتی، به‌ڕێوه‌به‌ری گشتی، ئامرلیوا و جێگری سوپاسالاردا کراون و وه‌زیری پێشمه‌رگه‌ش به‌ نووسراوێک گشتاندنی بۆ سه‌رجه‌م یه‌که‌ و به‌شه‌کانی وه‌زاره‌ت کردوووه‌".

شایانی باسه‌؛ تاوه‌کوو ئێستا 5 بۆ 6 پۆست گۆڕانکارییه‌کانیان ته‌واو نه‌بوووه‌، گرنگترینیان پۆستی ئه‌مینداری گشتیی وه‌زاره‌تی پێشمه‌رگه‌یه‌ که‌ تاوه‌کوو ئێستا جه‌بار یاوه‌ر به‌رپرسیارێتی له‌ ئه‌ستۆ گرتوووه‌.

جێگری سوپاسالار بۆ ئۆپه‌راسیۆنه‌کان له‌ وه‌زاره‌تی پێشمه‌رگه‌ گوتی: عومه‌ر عوسمان به‌رپرسی مه‌کته‌بی رێکخستنی پێشمه‌رگه‌ خانه‌نشین ده‌بێت و حه‌سه‌ن عه‌دۆ پۆسته‌که‌ی وه‌رده‌گرێت، هاوکات عه‌مید هه‌ڵگورد حیکمه‌ت به‌ڕێوه‌به‌ری هۆشیاری و راگه‌یاندنی وه‌زاره‌تی پێشمه‌رگه‌ ده‌بێته‌ جێگریی و شوان مه‌لا غه‌ریب له‌ شوێنی هه‌ڵگورد حیکمه‌ت ده‌ست به‌ کار ده‌بێت، هه‌روه‌ها لیوا سه‌رحه‌د لاورانی جێگه‌ی لیوا ئه‌حمه‌د ده‌گرێته‌وه‌ و ده‌بێته‌ به‌ڕێوه‌به‌ری گشتیی خانه‌نشین له‌ وه‌زاره‌تی پێشمه‌رگه‌.

کۆدی هه‌واڵنێر: 60103

هەواڵی پەیوەندیدار

بۆچوونی بەکارهێنەران

0 بۆچوون
خاڵ:
— (0)
بۆچوونە نێردراوەکان دوای پەسەندکردنی چاودێران بڵاو دەکرێنەوە.