لاهور شێخ جەنگی: داعش هەڕەشەیەکی جدییە لەسەر ئارامی و ئاسایشی عێراق
بەشی عێراق و هەرێمی کوردستان- هاوسەرۆکی یەکێتی، رایگەیاند، داعش هەڕەشەیەکی جددییە لەسەر ئارامی و ئاسایشی وڵات و پێویستە پێشمەرگە بە هاوبەشی لەگەڵ سوپای عێراق و پشتیوانی هاوپەیمانان پلان و بەرنامەی تۆکمەیان هەبێت بۆ رووبەڕووبوونەوەی.
کوردپرێس:
بەپێی راگەیەندراوێکی نووسینگەی لاهور شێخ جەنگی، لەبارەی بەردەوامیی پەلاماردانەکانی داعش ڕایگەیاند؛ ئێمە پێشتر ئاماژەمان بە بەردەوامیی مەترسیی چەکدارانی داعش و خۆڕێکخستنەوە و جموجۆڵی شانە نووستووەکانیان کردووە، ئێستاش دووپاتی دەکەینەوە کە داعش هەڕەشەیەکی جدییە لەسەر ئارامی و ئاسایشی وڵات.
ناوبراو دەشڵێت پێویستە هێزی پێشمەرگە بە هاوبەشی لەگەڵ سوپای عێراق و بە پشتیوانی و هاریکاری هاوپەیمانی نێودەوڵەتی، پلان و بەرنامەی تۆکمەیان هەبێت بۆ ڕووبەڕووبوونەوەی چەکدارانی داعش، بە تایبەت لەو ناوچانەی کە بۆشایی ئەمنییان تێدایە تا چیتر چەکدارانی داعش نەتوانن ئەم جۆرە پەلامارە ترسنۆکانە ئەنجام بدەن.
بۆچوونی بەکارهێنەران