سەرپەرشتیاری قایمقامێتیی پاوە: پێویستە شایستەی تاپۆی جیهانیی هەورامان ڕەفتار بکەین
بەشی کرماشان- سەرپەرشتیاری قایمقامێتیی شاری پاوە لە پەیامێکدا بە بۆنەی تاپۆی جیهانیی دیمەنە فەرهەنگییەکانی هەورامان ڕایگەیاند پێویستە بە شێوازێک ڕەفتار بکەین و پلان دابنێین کە شایستە ناوی تاپۆی جیهانیی هەورامان بێت.
کوردپرێس:
ڕۆژی سێشەمە 5ی گەلاوێژی 1400 جەلیل باڵایی سەرپەرشتیاری قایمقامێتیی شاری پاوە بەبۆنەی تاپۆی جیهانیی دیمەنە فەرهەنگییەکانی هەورامان لە یۆنسکۆ پەیامێکی بڵاو کردەوە و داوای لە هەموو لایێک کرد بە شێوازێکی شایستەی ناوی تاپۆی جیهانیی هەورامان ڕەفتار بکەن و پلان بۆ ناوچەکە دابنێن.
شایانی باسە ئەمڕۆ بە فەرمی تاپۆی جیهانیی دیمەنە فەرهەنگییەکانی هەورامان ڕاگەیێندرا و یۆنسکۆ دانی بەو بابەتەدا نا.
بۆچوونی بەکارهێنەران