پاسێکی ڕۆژنامەنووسانی ئێرانی وەرگەڕا/ 2 کوژراو و 21 بریندار هەن
بەشی ئێران- پاسێکی ڕۆژنامەنووسانی ئێران کە بە مەبەستی ڕووماڵ کردنی ڕەوتی بووژانەوەی دەریاچەی ورمێ سەردانی ناوچەکەیان کردبوو وەرگەڕا و بەو هۆیەوە دوو ڕۆژنامەنووس گیانیان لە دەست دا و 21 کەسی دیکەش بریندار بوون.
کوردپرێس:
ئاژانسی هەواڵی فەرمیی ئیرنا ڕایگەیاند پاسێکی هەڵگری ڕۆژنامەنووسان لە میدیا جیاجیاکانی ئێرانەوە بۆ بەسەرکردنەوەی تونێلی کانی سێو سەردانی ئازەربایجانی ڕۆژئاوایان کردبوو و لە نزیک شاری نەغەدە تووشی ڕووداوی هاتوچۆ بوو و ئەو ڕووداوەش کوژراو و برینداری لێکەوتەوە.
بەڕێوەبەری سەنتەری فریاکەوتنی پزیشکی لە زانکۆی پزیشکیی ئازەربایجانی ڕۆژئاوا ڕایگەیاند لەو ڕووداوەی هاتوچۆدا 2 خانەم ڕۆژنامەنووس گیانیان لە دەست داوە و 21 کەسیش بریندارن.
سەرهەنگ پاکدڵ فەرماندەی ئینتیزامیی ئازەربایجانی ڕۆژئاواش ڕایگەیاند هۆکاری ڕووداوەکە کێشەی تەکنیکی لە ستۆپی پاسەکە بووە و بریندارانی ئەو ڕووداوە گوازراونەتەوە بۆ نەخۆشخانە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران