بەڕێوەبەرایەتیی خۆسەر و دیمەشق لەسەر کۆتایی هێنان بە گەمارۆکانی سەریەکتر ڕێککەوتن

کوردپرێس: فەتحوڵڵا حسێنی ئەندامی نوێنەرایەتی کانتۆنەکانی کوردستانی سووریا بە ماڵپەڕی خەڵک-ی ڕایگەیاندووە، لەبەر ئەوەی حکوومەتی ڕووسی کاریگەریی ڕاستەوخۆی هەیە لەسەر سووریا ئێستا ڕێکەوتنێکی ڕووسی هەیە لەنێوان حکوومەتی سووریا و کوردستانی سووریا کە ڕژێمی سوریا جارێکی تر خۆپیشاندان نەکات.

ناوبراو ئاماژەی بەوەش کرد، گەڕەکی شەهبا و شێخ مەقسوود کە گەڕەکێکی کوردین لە حەلەب لەلایەن سووریاوە گەمارۆدرابوو جموجۆڵی تێدا نەمابوو بۆیە هێزی ئاسایشی کوردستانی سووریا ئەو ناوچانەی کۆنتڕۆڵ کرد و ئێستا ناوچەکە ئارامە.

حسێنی وتیشی، لە ئەنجامی ئەو ئاڵۆزیانە کەسێک کوژرا و سێ کەسی دیکەش برینداربوون کە هاوڵاتی مەدەنی بوون.

ئەندامەکەی نوێنەرایەتی کانتۆنەکانی کوردستانی سووریا لە هەرێمی کوردستان ڕاشیگەیاند: "لەبەر ئەوەی حکوومەتی سووریا دەیەوێت ئەو ناوچانەی کە ئارامن وەک حەسەکە و قامیشلۆ بیانکاتە جێگای شەڕ و ململانێی سیاسی چەند جار خۆپیشاندان لەلایەن لایەنگرانی بەشار ئەسەد سەرۆکی سووریا ئەنجام درا بەڵام شکستیان هێنا".

کۆدی هەواڵنێر: 60113