نوێنەری ئەمریکا بۆ کاروباری سووریا: سیاسەتی ئەمریکا بەرامبەر سووریا بە هاتنی بایدەن گۆڕانی بەسەردا نایەت
کوردپرێس:
جویێل ڕیبۆرن نوێنەری ئەمریکا بۆ کاروباری سووریا لە لێدوانێکدا ڕایگەیاند بە دەستبەکاربوونی جۆبایدەن سیاسەتی ئەمریکا بەرامبەر سووریا گۆڕانی تێدا ناکرێت و سیاسەتی ئێستا ئەو سیاسەتەیە کە بەپێی ڕێککەوتنی نێوان دیموکراتییەکان و کۆمارییەکانی ئەمریکا پەیڕەو کراوە.
ڕیبۆرن ڕۆژنامەی ئیماراتیی نەشناڵ نیوزی وتووە: ئەو سیاسەتەی واشەنتۆن لە ماوەی چەند ساڵی ڕابردوودا لە سووریا پەیڕەوی کردووە بەردەوام سیاسەت و کارنامەی هەردوو لایەنی سەرەکیی ئەمریکا بووە و قەبارەی جۆربەجۆرەکانی ئەمریکا پشتگیریی ئەو سیاسەتەیان کردووە.
ڕیبۆرن ئاماژەی بە سێ ئامانجی سیاسەتی ئەمریکا لە سووریا کردووە کە بریتین لە: شەڕی دژبە تیرۆر بەتایبەت شەڕی دژبە داعش و قاعیدە، ڕێگری کردن لە نفووزی زیاتری ئێران لە سووریا و هەوڵدان بۆ دەستخستنی دەرەچەیێکی سیاسی لە سەر بنەمای ڕێککەوتنی 2254ی ئەنجومەنی ئاسایشی نێودەوڵەتی و بەتایبەت بە گوشارخستنە سەر حکوومەتی بەشار ئەسەد.
بۆچوونی بەکارهێنەران