هێرش بۆ سه‌ر پاسێک له ڕۆژهەڵاتی سووریا 25 کوژراو و 13 برینداری لێکەوتەوە
بەشی سووریا- بەهۆی تەقینەوەی پاسێک لە ڕۆژهەڵاتی سووریا لانیکەم 25 کەس کوژران و 13 کەسی دیکەش بریندار بوون.
کوردپرێس: ئاژانسی هەواڵی فەرمیی سووریا بڵاویکرده‌وه لە هێرشێکی تیرۆریستیدا بۆسەر پاسێک لەسەر رێگەی دێرەزوور 25 کەس کوژران و 13 کەسی دیکەش برینداربوون.
له‌هه‌واڵێکدا ئاژانسی هەواڵی سانا باسی له‌وه‌کردووه: هێرشێکی تیرۆرستی کراوه‌ته سه‌ر پاسێک له دێره‌زوور و به‌هۆیه‌وه 25 که‌س کوژراون و 13 که‌سیش برینداربوون.
به‌گوێره‌ی سه‌رچاوه ناوخۆییه‌کانی سووریا، گرووپی تیرۆریستیی داعش دەستی لەو هێرشەدا بووە.
تا ئێستا هیچ لایەنێک بەرپرسیارێتیی ئەو هێرشەی نەگرتۆتە ئەستۆ.
کۆدی هەواڵنێر: 60113
بۆچوونی بەکارهێنەران