ڕێککەوتنی نێوان ئێران و سووریا بۆ دەست پێکردنەوەی گەشتی زیارەتکارە ئێرانییەکان بۆ سووریا
کوردپرێس:
ئاژانسی هەواڵی ئیسنای ئێرانی ڕایگەیاند عەلیڕەزا ڕەشیدیان سکرتێری ڕێکخراوی حەج و زیارت لە کۆتاییی سەردانی چوار ڕۆژەی خۆی بۆ سووریا و پاش دانوستانی چڕ لەگەڵ وەزیری گەشتیاری و سیاحەی سووریا ڕێککەوتنێکی واژۆ کرد کە بە گوێرەی ڕێککەوتنەکە زیارەتکارە ئێرانییەکان دەتوانن دیسان بۆ شوێنە پیرۆزەکانی سووریا گەشت بکەن.
ڕەشیدیان کە هاوکات یاریدەدەی وەزیری ڕۆشنبیری (فەرهەنگ و ئیرشاد ئیسلامی)ی ئێرانیشە ڕوونی کردەوە کە بۆ گەشتی ئاسمانیی زیارەتکاران بە ڕەچاوکردنی پڕۆتۆکۆلەکانی کەرتی تەندروستی ئامادەکاریی پێویست بۆ زیارەتکاران دەکرێت.
وەزیری گەشتیاری و سیاحەی سووریاش ڕایگەیاند دەستپێکردنەوەی سەردانی گەشتیارانی زیارەتکار بۆ سووریا ڕێگەخۆشکەر دەبێت بۆ هاوکاری و پێوەندیی زیاتری نێوان ئێران و سووریا و دەوڵەتی دیمەشقیش 13 هەزار قەرەوێڵەی ئامادە کردووە بۆ پێشوازی کردن لە زیارەتکاران و ئەگەر پێویستیش بکات زۆربەی ئوتێلەکانی دیمەشق ئامادەی پێشوازی کردنن لە زیارەتکارانی ئێرانی.
بۆچوونی بەکارهێنەران