حکوومەتی هەرێمی کوردستان:
هیچ بارەگا و بنکەیەکی ئیسرائیل لە هەرێمی کوردستان نییە
بەشی عێراق و هەرێمی کوردستان- حکوومەتی هەرێمی کوردستان دەڵێت، هەواڵی هەبوونی بارەگای ئیسرائیلی لە هەرێمی کوردستان دوورە لە ڕاستییەوە.
بەپێی هەواڵی کوردپرێس، لە ڕاگەیێندراوەکەی حکوومەتی هەرێمی کوردستاندا هاتووە: "هێزێکی لە یاسا دەرچوو ڕایگەیاندووە، لە رێگەی درۆنەوە بارەگایەکی ئیسرائیلیان لە هەولێر بۆردوومان کردووە. ئەم هەواڵانەی ئەم گرووپ و هێزە نایاساییانە بێ‌بنەمان و دوورن لە ڕاستییەوە و هیچ بارەگا و بنکەیەکی ئیسرائیل لە هەرێمدا بوونی نییە".
لەدرێژەی ڕاگەیێندراوەکەی حکوومەتی هەرێمی کوردستاندا هاتووە: "بە ئامانج‌گرتنی هەولێر هەر جارەی بە بیانوویەک تەنیا سەرلێشێواویی ئەم گرووپانە دەردەخات و کارێکی ترسنۆکانە و تیرۆریستییە".
بۆچوونی بەکارهێنەران