هێشتا دانووستانە سەرەکییەکان لە نێوان کوردانی سووریا دەستی پێنەکردووە
«فادی مەرعی» سه‌رۆک ئافیس په‌یوه‌ندیی گشتی پێشاڕۆژی کوردستانی سووریا لە گفتوگۆ لەگەڵ کوردپرێسدا وێڕای جەخت لەسەر ئەوەی کە یەکگرتنی نێوان ئەنەکەسە و حزبەکانی یەکێتیی نیشتمانیی کوردی سووریا زۆر پێویستە، ڕایگەیاند: دۆخی سووریا لە لێوارەی تەقینەوەدایە و هەلومەرجێکدا کە زلهێزەکان خەریکی ڕۆڵگێڕانن، دۆخی کورد و پرسی کوردستانی سووریاش لە قۆناخێکی هەستیاردایە و ڕەوتە کوردییەکان گەیشتوونەتە ئەو ڕاستییە کە پێویستیان بە یەکگرتنە.
ناوبراو درێژەی دا: یەکگرتن پێویستە چوونکە یەکگرتووی سەرەتای گەیشتن بە تێڕوانینێکی هاوبەشە.
فادی مەرعی وتیشی تا هر ئاستێک ڕەوتە کوردییەکان هاوڕا بن هەر بەو ئاستەش دەتوانن لە دانووستانەکانیان لەگەڵ لایەنە بەرانبەرەکاندا لە ناوچەکە و لە سووریاشدا بەرژەوەندیی کورد دەستەبەر بکەن.
سه‌رۆک ئافیس په‌یوه‌ندیی گشتی پێشاڕۆژی کوردستانی سووریا کە ڕەوتەکەی تەڤڵی ئەنەکەسە بووە ئاشکرای کرد: ئێمە تەنها گەیشتووینەتە ڕێککەوتنی سیاسی لەگەڵ حزبەکانی یەکێتیی نیشتمانیی کوردی سووریا و هێشتا لەبارەی بابەتە ئیداری، سەربازی و ئابوورییەکان گفتوگۆمان نەکردووە.
کۆدی هەواڵنێر: 60113
بۆچوونی بەکارهێنەران