وەزارتی ناوخۆی تورکیا:
بەرپرسی دارایی و پڕچەک کردنی ئامێدی پەکەکە کوژرا
بەشی تورکیا- لە بەیاننامەیێکدا وەزارەتی ناوخۆی تورکیا ڕایگەیاند لە ئۆپەراسیۆنی هێزی زەمینیی تورکیادا سەعید باتمان بەرپرسی دارایی و پڕچەک کردنی ئامێدی پەکەکە کوژراوە.
بەپێی هەواڵی کوردپرێس، وەزارەتی ناوخۆی تورکیا لە بەیاننامەیێکدا ئاماژەی دا بە ئۆپەراسیۆنی زەوینیی هێزە ئەمنییەکانی تورکیا دژ بە بنکەکانی پەکەکە لە ناوچەی لیچە-ی سەربە پارێزگای دیاربەکر و ڕایگەیاند: سێ ئەندامی پەکەکە کوژراون کە یەکێک لە کوژراوەکان ئەکرەم ئپتیماش ناسراو بە "سەعید باتمان"ە و بەرپرسیدارایی و هەماری چەکی ئامێدی پەکەکە-یە.
لەمبارەوە CNN TURK دەنووسێت: سەعید باتمان لە داواکراوانی وەزارەتی ناوخۆی تورکیا بوو و بۆ دەستگیری و کوشتنی ناوبراو 1 ملیۆن لیر وەکوو پاداشت دیاری کرابوو.
شایانی باسە تا ئەم کاتە PKK کوژرانی ئەو ئەندامەی خۆی پشتڕاست نەکردۆتەوە.
کۆدی هەواڵنێر: 60113
بۆچوونی بەکارهێنەران