ئیلهام ئەحمەد: بۆ ڕەچاوکردنی ئاگربەست دەبێت کۆمەڵگای نێودەوڵەتی گوشار بخاتە سەر تورکیا
بەپێی هەواڵی کوردپرێس، ئیلهام ئەحمەد، هاوسەرۆکی ئەنجومەنی جێبەجێکاری سووریای دیموکرات بەئاماژەدان بە پێبەند نەبوونی تورکیا و گرووپە سووریە چەکدارەکانی سەربەو وڵاتە لە باکووری سووریە بە ڕێککەوتنی ئاگربەست ڕایگەیاند: سوپای تورکیا پەیامەکەی نەتەوەیەکگرتووەکان لەبارەی ئاگربەست لەبەرچا ناگرێت و درێژە بە هێرشە داگیرکارانەکانی دەدات بۆ سەر باکوور و ڕۆژهەڵاتی سووریا و بۆ ڕەچاوکردنی ئاگربەست دەبێت کۆمەڵگای نێودەوڵەتی گوشار بخاتە سەر تورکیا.
ئیلهام ئەحمەد زیاتر دەڵێت: پەیامی ئاگربەس لەلایەن نەتەوە یەکگرتووەکانەوە زۆر گرینگە. بەڵام ئاگربەس بەبێ چارەسەر کردنی کێشەکان درگایێکی دیکە بۆ شەڕ دەکاتەوە.
هاوسەرۆکی ئەنجومەنی جێبەجێکاری سووریای دیموکرات وتشی: هێرشەکانی ئەرتەشی تورکیا لەکاتێکدا کە هەمووان بۆ خۆدوورگرتن لە کۆرۆنا دەبێت لە ماڵەکانیان بمێننەوە بەڵام هێرشەکان ناچار بە ئاوار بوونیان دەکات.
ناوبراو لە کۆتاییدا ڕایگەیاند: کۆمەڵگای نێودەوڵەتی دەبێت هەڵویستێکی جیدی هەمبەر تورکیا بگرێتە بەر چوونکە تورکیا و گرووپە چەکدارەکانی سەربەو وڵاتە هۆکاری گرێ کوێرەی قەیرانی سووریان.
کۆدی هەواڵنێر: 60113
بۆچوونی بەکارهێنەران