دهاتی نەوتی هەرێمی کوردستان بۆ بەرژەوەندیی تاکەکەسی و حزبی بەکار دەگیردرێت
بەپێی هەواڵی کوردپرێس، کاوە محەمەد، ئه‌ندامی په‌رله‌مانی عێراق له وتارێکدا به‌ناونیشانی "دز ئاوا خاوەن ماڵ دەگرێت!" نووسیوویه‌تی، "ئێمە لەگەڵ هەندێ لە هاوڕێکانمان لەپەرلەمانی عێراق بەرگریی سەرسەختانە لە ماف و مووچەی خەڵکی هەرێم دەکەین و بە پلەی یەکەم بە هەوڵ و هیممەتی ئێمەومانان مووچەی خەڵکی هەرێم لە ململانێکانی نێوان بەغدا و هەولێر دوورخرایەوە و ئەمەمان لەیاسای بودجەی ساڵی ٢٠١٩ دا جێگیر کرد.
نوێنەرەکەی گۆڕان باس له‌وه‌ش ده‌کات، "دەمانزانی و پێشبینیمان دەکرد کە حکوومەتی هەرێم بۆ درێژەدان بە سیاسەنی تاڵانفرۆشیی نەوت. بەپێی یاساکە ٢٥٠ هەزار بەرمیل نەوتی رۆژانە تەسلیمی بەغدا ناکات، هەروایشی کرد، چوونکە باکیان بە مووچە و ژیانی خەڵک نیە و گرنگ لای ئەوان نەوت و بۆریبەکان و گرێبەست و شیرینییەکان و ئەو قەرزانەیە کە کۆتاییان نایەت و لەپەنابانەوە گیرفانە بێ بنەکانی حزب و بەرپرسانی پڕ لەدۆلار دەکەن، هاوشانی ئەوەش لێرە بەرگری لەوە دەکەین کە ئەو پارەیەی لەبەغدا بۆ هەرێم دەنێردرێت، تەنها و تەنها هی مووچەیە و دەبێت بگاتە دەستی خەڵک، نەک ئەمەش دەسکاری بکرێت.
کاوە محەمەد ده‌شڵێت: "ئەوانەی بە ئاشکرا و رۆژی رووناک چەندین ساڵە دزی لە ماڵی خەڵک دەکەن، دێن پەلاماری ئێمەی خاوەن ماڵ و بەرگریکاریی مافی خەڵک دەدەن و بە هەندێک شێوازی سووکی موخابەراتییانە و وەک پیشەی ناشیرین و مەکشوفی هەمیشەییان، پەیج و ئەکاونتی ساختەمان بۆ دروست دەکەن و هەوڵ دەدەن خۆڵ بکەنە چاوی خەڵک و راستیبەکان هەڵگێڕنەوە کە گوایە ئەوە ئێمەین لە بەغداوە هەوڵی بڕینی مووچەی خەڵکی هەرێم دەدەین، نەک ئەوان کە لە بەغدا شەڕی پۆست و پارە بۆ خۆیان دەکەن و لە هەرێمیش بوونەتە مۆتەکە بۆ مووچە و ژیان و ئازادیی خەڵک".
کۆدی هەواڵنێر: 60113
بۆچوونی بەکارهێنەران