وتەبێژی دەستەی گشتیی گەشتوگوزاری هەرێم: پێشبینیی ھاتنی چوار ملیۆن گەشتیار بۆ ھەرێمی کوردستان دەکەین
بەشی عێراق و هەرێمی کوردستان- وتەبێژی دەستەی گشتیی گەشتوگوزاری هەرێمی کوردستان، رایگەیاندووە ئێمە ئێستا کار لەسەر جێبەجێ کردنی پلانی ئەمساڵی گەشتیاری دەکەین و پێشبینیی ھاتنی چوار ملیۆن گەشتیار بۆ ھەرێمی کوردستان دەکەین.
نادر رۆستی وتەبێژی دەستەی گشتیی گەشتوگوزاری هەرێمی کوردستان وتیشی، لە ساڵی ڕابردوودا پلانی گەشتوگوزار ٧٨%ی جێبەجێ کراوە و سێ ملیۆن و ٧٠٠ ھەزار گەشتیار سەردانی ھەرێمی کوردستانیان کردبوو، دەمانەوێ بۆ ئەمساڵیش بە ھەمان شێوە پلانەکە وەک خۆی بۆ بەرەوپێشبردنی کەرتی گەشتیاری جێبەجێ بکرێت.
باسی لەوەش كرد، رەوشی ناوچەکە و ئاڵۆزییەکانی عێراق کاریگەریی خۆی لەسەر کەرتی گەشتیاریی ھەرێمی کوردستان ھەبووە، چوونکە سەرهەڵدانی ئاڵۆزی لە عێراق و ناوچەکە کاریگەری لەسەر ھاتنی گەشتیاران ھەیە، سەرەڕای ئەوەش، گەشتیاران ھەرێمی کوردستان بۆ گەشت کردن بە ناوچەیێکی سەقامگیر دەزانن.
کۆدی هەواڵنێر: 60113
بۆچوونی بەکارهێنەران