ئۆتۆمبێلێکی بۆمبڕێژکراو لە تەبقا تەقیەوە، کوژرا و بریندار هەیە
بەشی سووریا- بە هۆی تەقینەوەی بۆمبێکی چێندراو لە ناوەندی شاری تەبقا کەسێک کوژرا و 9 کەسی دیکەش بریندار بوون.
بەپێی هەواڵی کوردپرێس، ئەو زانیارییانەی لە سەرچاوە خۆجێییەکانەوە وەدەست گەیشتوون باس لەوە دەکەن بۆمبەکە لە ئۆتۆمبێلێکدا چێندراوە و بە هاووڵاتییانی سڤیلدا تەقیوەتەوە.
تیرۆریستتەکان ئۆتۆمبێلە بۆمبڕێژکراوەکەیان لە نزیکیی مەیدانی کەنیسە لە شەقامی فەلەستنی ناوەندی تەبقا کە لە کۆنترۆڵی هێزەکانی پاراستنی گەلدایە پارک کردبوو و لە کاتی هاتوچۆی هاووڵاتییاندا بۆمبەکەیان تەقاندەوە کە هەموو کوژراو و بریندارەکان خەڵکی سڤیل بوون.
هێزەکانی پاراستنی ئاسایشی ناوخۆی تەبقا بۆ دۆزینەوەی ئەنجامدەرانی تەقینەوەکە لێکۆڵینەوەیان دەست پێکردووە و توانیویان بۆمبێکی دیکە لە هەمان شێوە پووچەڵ بکەنەوە.
کۆدی هەواڵنێر: 60113
بۆچوونی بەکارهێنەران