مەسعوود بارزانی و كونسوڵی گشتیی فەڕه‌نسا له هه‌ولێر کۆ بوونەوە
کوردپرێس: بەپێی راگەیەندراوێکی ماڵپەڕی مەسعوود بارزانی، ڕۆژی پێنجشه‌ممه مسعوود بارزانی، پێشوازیی له دۆمنیک ماس، كونسوڵی گشتیی فەڕەنسا له هه‌رێمی كوردستان كردووە و له دیداره‌كه‌دا لەبارەی پەیوەندی نێوان هەرێمی کوردستان و فەڕەنساوە گفتوگۆیان کردووە.
لە ڕاگەیێندراوەکەدا ئاماژە بەوەش کراوە، كونسوڵی فەڕه‌نسا پێزانینی خۆی و حكوومه‌تی فەڕه‌نسای ده‌ربڕی كه له‌ماوه‌ی چه‌ند ساڵی رابردوو و په‌یوه‌ندییه‌كانی نێوان كوردستان و فەڕه‌نسایشی به‌رز نرخاند و سوپاسی حكووومه‌تی هه‌رێمی كوردستان و گه‌لی كوردستانی كرد.
هاوکات مەسعوود بارزانی رایگەیاندووە: په‌یوه‌ندی دۆستانه‌ی نێوان كوردستان و فەڕه‌نسا په‌یوه‌ست بووه به هه‌ڵوێسته گرنگه‌كانی ئه‌و وڵاته به‌رامبه‌ر گه‌لی كوردستان و ته‌ئكیدی له‌به‌رده‌وامی و پێشخستنی دۆستایه‌تیه‌كه‌ی كردو‌وه و هیوای سه‌ركه‌وتنی بۆ كونسوڵ دۆمینک ماس له‌ئه‌ركی نوێیدا خواست.
لە راگەیەندراوەکەدا ئەوەش خراوەتەڕوو، به‌شێكی دیكه‌ی دیداره‌كه په‌یوه‌ست بووە به پرسی چاره‌سه‌كردنی كێشه‌كانی نێوان هه‌ولێر و به‌غدا و جه‌خت له‌سه‌ر دیالۆگ و رێگه‌ی ئاشتیانه کراوەتەوە.
کۆدی هەواڵنێر: 60113
بۆچوونی بەکارهێنەران