جووڵەی فڕۆكه سه‌ربازییه‌كان خرایه ژێر فه‌رمانی عادل عه‌بدولمه‌هدی
بەشی عێراق و هەرێمی کوردستان- حكوومه‌تی عێراق رایگه‌یاند: له‌مه‌ودوا رێگه به بوونی سه‌ربازگه‌ی نایاسایی و بێ مۆڵه‌ت نادات.
بەپێی هەواڵی کوردپرێس، دوێنێ ئه‌نجومه‌نی ئاسایشی نه‌ته‌وه‌یی عێراق به سه‌رۆكایه‌تی عادل عه‌بدولمه‌هدی كۆبووه‌وه و چه‌ند بڕیارێكی په‌یوه‌ست به ته‌قینه‌وه‌ی كۆگاكانی چەک و سه‌ربازگه نایاساییه‌كان ده‌ركرد.
ئه‌نجومه‌نی ئاسایشی نه‌ته‌وه‌یی عێراق رایگه‌یاند رێگه به بوونی هیچ كۆگایێکی چه‌ک و سه‌ربازگه‌یێک نادرێت، به بێ بوونی مۆڵه‌ت و پلان.
ئەنجومەنەکە راشیگه‌یاند: پێویسته فڕینی فڕۆكه‌كان به هه‌موو جۆره‌كانییه‌وه، به فه‌رمانی سه‌رۆک وه‌زیران و فه‌رمانده‌ی گشتی هێزه چه‌كداره‌كان بێت و هه‌ر جووڵەیێکی پێچه‌وانه له لایه‌ن به‌رگری ئاسمانییه‌وه ده‌كرێته ئامانج.
هه‌ر له كۆبوونه‌وه‌كه‌دا بڕیار دراوه، لێكۆڵینه‌وه‌یێکی گشتگیر له باره‌ی ته‌قیینه‌وه‌كه‌ی كۆگای چه‌ک له سه‌ربازگه‌ی سه‌قه‌ر بكرێت.
سەرچاوە: بەغداد ئەلیەوم
کۆدی هەواڵنێر: 60113
بۆچوونی بەکارهێنەران