شەش چەکداری پەكەكە لە هەرێمی كوردستان کوژران
بەشی تورکیا- لە ئاكامی ئۆپەراسیۆنە ئاسمانییەكانی سوپای توركیا شەش چەکداری پارتی كرێكارانی كوردستان "پەكەكە" لە هەرێمی كوردستان کوژران.
کوردپرێس: ئاژانسی هەواڵی ئەنادۆڵ بڵاویكردوەتەوە: "لە ئاكامی ئۆپەراسیۆنە ئاسمانییەكانی سوپای توركیا بە هەماهەنگی لەگەڵ ئۆپەراسیۆنی چنگ، شەش گەریلای پەكەكە لە هەردوو ناوچەی حەفتانین و گارا لە هەرێمی كوردستان لە چالاکی خراون".
وەزارەتی بەرگریی توركیا جەختی كردوەتەوە، بە هەماهەنگی لەگەڵ ئۆپەراسیۆنی چنگ، ژمارەیێک ئۆپەراسیۆنی ئاسمانیی بۆسەر ئامانجەكانی پەكەكە لە حەفتانین و گارا ئەنجام دراون و ئۆپەراسیۆنەكانیشیان بەردەوام دەبن.
تا ئێستا ناوەندی راگەیاندنی باڵی سەربازی پەكەكە لەو بارەوە هیچ راگەیەنراوێكی بڵاو نەكردۆتەوە.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران