هێزه‌كانی ڕزگاریی عه‌فرین ڕووبه‌ڕووی سوپای ئازادی سووریا بوونه‌وه
به‌شی سووریا- دره‌نگانی شه‌وی ڕابردوو هێزی ڕزگاریی عه‌فرین له چه‌ندین ناوچه‌ی جۆراوجۆر به‌ره‌وڕووی هێزه‌کانی سوپای ئازادی سووریا بوونه‌وه که له‌لایه‌ن تورکیاوه پشتیوانییان لێده‌کرێت.
کوردپرێس:
به گوێره‌ی ئه‌و زانیارییانه‌ی له سه‌رچاوه خۆجێییه‌کانه‌وه ده‌ست که‌وتووه دره‌نگانی شه‌وی سێشه‌ممه 6ی ئابی 2019 له گونده‌كانی ناوچه‌ی شه‌رای عه‌فرین شه‌ڕێكی قورس له نێوان هێزه‌كانی ڕزگاریی عه‌فرین و سوپای ئازادی سووریا به‌رپا بوو.
ئه‌م پێکدادانه له گونده‌کانی شێوارخه، مارانه‌ز و مالکییه‌ی هه‌ڵکه‌وتوو له ناوچه‌ی شه‌رای عه‌فرین ڕووی دا که کوژراو و برینداریشی لێکه‌وتۆته‌وه.
به دوای پێکدادانه‌که هێرشی تۆپخانه‌یی بۆ سه‌ر بنکه‌ی هێزی ڕزگاریی عه‌فرین ده‌ستی پێکرد که هێرشه‌کان تا سه‌رله‌به‌یانیی ئه‌مڕۆش درێژه‌ی بوو.
سه‌رچاوه: هه‌واڵده‌ریی هاوارنیووز
کۆدی هه‌واڵنێر: 60103
بۆچوونی بەکارهێنەران