دوو بۆمب هاوکات لە حەسەکە تەقینەوە
بەشی سووریا- تەقینەوەی دوو بۆمب لە ناوەندی شاری حەسەکە لە باکووری سووریا دوو قوربانی لێکەوتەوە.
بەپێی هەواڵی کوردپرێس، سەرچاوە خۆجێییەکان باس لەوە دەکەن لە ناوەندی شاری حەسەکەدا دوو تەقینەوەی هاوکات ڕوویانداوە و بە هۆیەوە کەسێک کوژراو و کەسێکی دیکەش بریندار بوو.
بەگوێرەی زانیارییەکان لە گەڕەکی نشوا کە لە ناوەندی شاری حەسەکە هەڵکەوتووە سەرەتا بۆمبێک کە لەسەر ماتۆرسیکلت دانرابوو تەقیەوە و دوای چەند چرکەیێک تەقینەوەی دووهەم لە گەڕەکی مەشرەفیەی حەسەکە ڕوویدا. لە تەقنەوەی یەکەمدا کەسێک کوژرا و تەقینەوەی دووهەمیش بریندارێکی لێکەوتەوە و خەساری مادیشی بەدواوە بوو.
تا ئێستا کەس بەرپرسیارێتیی خۆی بۆ ئەم دوو تەقینەوە ڕانەگەیاندووە.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران