فراکسیۆنی نەوەی نوێ: لە چوار ساڵی داهاتوودا چاودێرێکی ڕاستەقینە دەبین بەسەر حکوومەتەوە
بەشی عێراق و هەرێمی کوردستان- فراکسیۆنی نەوەی نوێ لە پەرلەمانی کوردستان رایگەیاند لە چوار ساڵی داهاتوودا چاودێرێکی ڕاستەقینە دەبن بەسەر حکوومەتەوە.
کوردپرێس: کاوە عەبدولقادر، جێگری سەرۆکی فراکسیۆنی نەوەی نوێ لە کۆنفرانسێکی رۆژنامەنووسیدا باسی لەوەش کرد، "لە چوار ساڵی داهاتوشدا ئێمە خۆمان بە نوێنەری خەڵک دەزانین و دەبینە پارێزەری مافەکانیان و داواکاریی ئێمە چاکسازیی راستەقینە و رووبەرووبوونەوەی گەندەڵییە لە هەرێمی کوردستان،
ناوبراو ئەوەشی خستەڕوو، ئەوان هێچ داواکارییێکی تایبەتییان نیە و داواکاری نەوەی نوێش هەمان داوای خەڵکە، کە بریتیە لە چاکسازی لەسەرجەم سێکتەرەکانی حکومڕانی و دابین کردنی خزمەتگوزارییە سەرەتاییەکان.
هەروەها فراکسیۆنی نەوەی نوێ ئەمڕۆ لە کاتی سوێندخواردنی سەرۆک و ئەندامانی کابینەی نوێی حکوومەت دانیشتنی پەرلەمانی کوردستانی بەجێهێشت.
کۆدی هەواڵنێر: 60113
بۆچوونی بەکارهێنەران