قائیمقامی شنگال: لە حکوومەتی نوێی هەرێمدا چوار پۆست دەدرێتە کوردانی ئێزدی
بەشی عێراق و هەرێمی کوردستان- قائیمقامی شنگال رایگەیاند لە سەروبەندی پێکهێنانی پەرلەمان و حکوومەتی نوێدا، چوار پۆست بە کوردانی ئێزدی دەدرێت.
کوردپرێس: مەحما خەلیل، قائیمقامی شنگال بە تۆڕی میدیایی رووداوی راگەیاندووە لە سەروبەندی پێکهێنانی پەرلەمان و حکوومەتی نوێدا، چوار پۆست بە کوردانی ئێزدی دەدرێت کە پۆستەکان پێکهاتوون لە راوێژکاری سەرۆکی پەرلەمان، راوێژکاری سەرۆکوەزیران، بریکاری وەزارەتێک و بەڕێوەبەرێکی گشتی لە وەزارەتی ئەوقاف.
مەحما خەلیل گوتی:" شێخ شامۆ، دەبێتە راوێژکاری سەرۆکوەزیران و منیش دەبمە راوێژکاری سەرۆکی پەرلەمان، دوو پۆستەکەی دیکەش تاوەکوو ئێستا بە فەرمی پڕ نەکراونەتەوە".
ناوی بەربژێرەکانی کابینەی نوێی حکوومەتی هەرێمی کوردستان رادەستی پەرلەمانی کوردستان کران و بڕیارە سبەی چوارشەممە 10-7-2019 کابینەی نوێی حکوومەت پێکبهێندرێت.
کۆدی هەواڵنێر: 60113
بۆچوونی بەکارهێنەران