سکرتێری دایرەی بەرپەرچدانەوەی قاچاخ: کە باسی خۆمەتگوزاری لە مەرزی باشماخ دەکرێت شەرم دەکەم

بەپێی هەواڵی کوردپرێس عەلی موئەیەدی لە لێدوانێکدا باسی دوایین دۆخی دەروازەی سنووری باشماخی کرد و ڕەخنە توندی لە نەبوونی خزمەتگوزاریی شایستە لەو سنوورەدا گرت و ڕایگەیاند کە باسی خۆمەتگوزاری لە دەروازەی سنووری باشماخ دەکرێت بەخۆما دەشکێمەوە و شەرم دەمگرێت.

موئەیەدی باسی پشکنینەکانیشی کرد و گوتی: باش نیە لە دوای دایرەی گومرگ دیسان لایەنی ئەمنی پشکنین بۆ گەشتیاران و موسافیران بکات چوونکە خوێندنەوەی ئەوەی بۆ دەکرێت کە لایەنەکان لەگەڵ یەک کۆک نین یان خود متمانەیان بە یەکتر نیە.

سکرتێری بەرپەرچدانەوەی قاچاخچێتی زیادی کرد: دەبێت هەموو لایەنەکان قەبارەی خۆیان بزانن و تا ئەو کاتەش هەموو لایەنە پێوەندیدارەکان سنوور و ئەرکی خۆیان نەزانیبێت یەکخستنی و پێشخستنی چالاکییەکان لە دەروازەی سنووری باشماخەوە دەست نادات.

ناوبراو داواشی کرد بۆ یەکخستن و پێشخستنی کاروباری بازرگانی و هاتوچۆی گەشتیاران و بەگشتی بۆ یەکخستنی چالاکییەکان لە دەروازەی سنووری باشماخەوە ئەنجومەن و بنکە مەدەنی و فەرهەنگییەکانیش دەوری خۆیان ببینن و بەشداری بکەن.